नागरी समाज क्षेत्राच्या नव्याने निर्माण होणाऱ्या गरजा आणि अपेक्षा लक्षात घेऊन डेव्हलपमेंट सपोर्ट टीमची (डीएसटी) स्थापना झाली. ऐंशीच्या दशकात देशात बहुआयामी विकासकार्य करणाऱ्या अनेक संस्था उभ्या राहिल्या. या प्रामाणिक हेतूने काम करणाऱ्या संस्थांना कार्यक्रम आखणी, संस्थात्मक व्यवस्थापन, प्रशिक्षण, दस्तऐवजीकरण, संनियंत्रण आणि इतर तांत्रिक बाबींसाठी आधाराची गरज होती.

हा आधार देण्यासाठी समविचारी सामाजिक कार्यकर्ते, विकास क्षेत्रातील तज्ज्ञ, शिक्षणतज्ज्ञ आणि प्रत्यक्ष काम करणारे कार्यकर्ते एकत्र आले आणि डीएसटीची स्थापना झाली. संस्थांना प्रभावीपणे व कार्यक्षमतेने काम करता यावे यासाठी गरजेनुसार, सातत्यपूर्ण आणि सहभागी पद्धतीने आधार देणे हे डीएसटीचे काम आहे.